BAKI, 4 aprel. TELEQRAF

Cənub Qaz Dəhlizi ardıcıl olaraq dördüncü ildir ki, uğurlu əməliyyatlar həyata keçirir.

Teleqraf xəbər verir ki, bunu Yunanıstanın Xarici İşlər Nazirliyinin Beynəlxalq İqtisadi Əlaqələr üzrə Baş Katibi Dimitris Skalkos bildirib.

O qeyd edib ki, TAP boru kəmərinin inşası ilə Yunanıstan Cənub Qaz Dəhlizi layihəsinin reallaşdırılmasında mühüm rol oynamağa başlayıb.

"Bundan başqa, Yunanıstan-Bolqarıstan qaz interkonnektorunun inşası və 3 milyard kubmetrdən 5 milyard kubmetrə artırılması ehtimalı, "Alexandroupolis" üzən anbar və qazlaşdırma qurğusunun istismara başlaması, o cümlədən 2026-cı ilin mart ayında baş tutması gözlənilən qaz interkonnektorunun Şimali Makedoniya ilə tamamlanması nəticəsində Avropa enerji sisteminin davamlılığını daha da gücləndiririk”,- deyə, Dimitris Skalkos bildirib.