BAKI, 4 aprel. TELEQRAF

"Azərbaycanın külək enerji stansiyalarından, o cümlədən Mərkəzi Asiyadan yaşıl enerji Avropaya çatdırılacaq".

Teleqraf xəbər verir ki, bunu energetika naziri Pərviz Şahbazov Cənub Qaz Dəhlizi Məşvərət Şurası çərçivəsində nazirlərin 11-ci və Yaşıl Enerji Məşvərət Şurası çərçivəsində nazirlərin 3-cü iclaslarında çıxışı zamanı deyib.

P.Şahbazov bildirib ki, Azərbaycan, Gürcüstan, Türkiyə və Bolqarıstan arasında elektrik əməkdaşlığı ilə bağlı anlaşma memorandumu imzalanacaq:

"Cənub Qaz Dəhlizinin texniki əsaslandırılması ilə bağlı birgə müəssisə yaradılıb. Bu, Mərkəzi Asiya ilə Azərbaycan Enerji Dəhlizi arasında olan birgə müəssisədir. Asiya İnkişaf Bankı, o cümlədən Asiya İnfrastruktur İnvestisiya Bankı maliyyələşdirməyə başlayıb. İki potensial ixrac marşurtları var. Əminik ki, Cənub Qaz Dəhlizi genişmiqyaslı əməkdaşlığa çevrilərək bir platforma olacaq. Bizim birgə səylərimiz yeni mərhələyə də öz nəticələrini verəcək və enerji təhlükəsizliyində yeni imkanlar açacaq”.