BAKI, 30 iyun. TELEQRAF

Məqsədimiz müəllimləri eyni standarta gətirməkdir ki, uşaqlar üçün hansı müəllimin dərs keçməyinin fərqi olmasın.

Teleqraf xəbər verir ki, bunu elm və təhsil naziri Emin Əmrullayev “Sertifikatlaşdırma: səriştəli müəllim - keyfiyyətli təhsil" mövzusunda tədbirdə sual-cavab sessiyasında deyib.

O bildirib ki, xeyli sayda çoxyaxşı müəllimlərimiz var.

"Bəzi müəllimlər ərizə yazmağı bilmirdi və sertifikasiya imtahanı sayəsində artıq həmin müəllimlər yoxdur. Növbəti dövr daha rahat olacaq", - o vurğulayıb.

Nazir əlavə edib ki, 15 il əvvəllə müqayisədə müəllimin orta əməkhaqqısı yaxşı mənada dəyişib.