BAKI, 25 sentyabr. TELEQRAF
Çin və ABŞ münasibətləri yeni tarixi mərhələyə qədəm qoyub.
Teleqraf xəbər verir ki, bunu Çin Sədri Si Cinpin Ağ Evdə keçirilən rəsmi ziyafətdə çıxışı zamanı bildirib.
“Bu gün Çin-Amerika münasibətləri yeni tarixi mərhələdədir”, – Si Cinpin deyib.
Onun sözlərinə görə, ABŞ Prezidenti Donald Tramp Amerikanı yenidən qüdrətli etmək, Çin isə Çin xalqının böyük dirçəlişinə nail olmaq məqsədi daşıyır. Si Cinpin bu iki hədəfin bir-birini tamamlaya biləcəyini vurğulayıb.
Çin lideri Pekin və Vaşinqtonun iki ölkə arasındakı dostluq tarixində birlikdə yeni səhifə aça biləcəyini bildirib.
“Gəlin Çin-Amerika dostluğunun gözəl çiçəyini yetişdirmək və onun tarixində birlikdə yeni səhifə yazmaq üçün səylərimizi birləşdirək”, – Si Cinpin qeyd edib.
