BAKI, 19 sentyabr. TELEQRAF
ABŞ və Avropa Birliyi Ukraynaya hava hücumundan müdafiə sistemlərinin alınması və modernləşdirilməsi üçün təxminən 6 milyard dolların ayrılmasını təsdiqləyib.
Teleqraf xəbər verir ki, bu barədə Ukrayna Müdafiə Nazirliyi məlumat yayıb.
ABŞ hava hücumundan müdafiə sisteminin modernləşdirilməsi aktivlərinin təxminən 2,68 milyard dollar dəyərində satışını təsdiqləyib.
Bu paketə daxildir:
S-300 Clone və GAM-67 raketləri;
Uzadılmış mənzilli hava hücumundan müdafiə üçün lazerlə idarə olunan raketlər;
Buraxılış qurğuları və onların modifikasiyası üçün dəstlər;
Dronlara qarşı mübarizə aparmaq üçün RPS 202 radarları;
Proqram təminatı, texniki sənədlər və ehtiyat hissələri;
Mühəndislik, nəqliyyat və logistika dəstəyi.
Layihə Avropa ölkələrindən birinin ianələri, eləcə də Amerika Xarici Hərbi Maliyyələşdirmə (FMF) proqramının vəsaitləri hesabına maliyyələşdiriləcək.
