BAKI, 9 iyun. TELEQRAF
İranın cənubunda 4,9 maqnitudalı zəlzələ qeydə alınıb.
Teleqraf xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb.
Məlumata görə, yeraltı təkanların episentri Bəndər-Abbas şəhərindən 113 kilometr şimal-şərqdə yerləşib. Şəhərin liman akvatoriyası Hörmüz boğazının şimal hissəsində yerləşir.
Zəlzələ ocağı 10 kilometr dərinlikdə qeydə alınıb.
Hadisə nəticəsində ölən, yaralanan və ya dağıntılar barədə hələlik məlumat verilməyib.
