BAKI, 23 yanvar. TELEQRAF
Bir neçə Avropa ölkəsi Kiyevin Rusiya və ABŞ ilə üçtərəfli işçi qrupunun Əbu-Dabidə keçirilən iclasında "enerji atəşkəsi"nə nail olmasını səbirsizliklə gözləyir.
Teleqraf xəbər verir ki, bu barədə diplomatik mənbələrdən TASS-a bildirilib.
Prezident Volodimir Zelenski əvvəllər Kiyevin "enerji atəşkəsinə" hazır olduğunu deyib. Rusiya prezidentinin mətbuat katibi Dmitri Peskov isə Rusiyanın Ukraynada atəşkəsə deyil, zəmanətli və davamlı uzunmüddətli sülhə üstünlük verdiyini qeyd edib.
