BAKI, 3 aprel. TELEQRAF

“Rusiya dəfələrlə bəyan edib ki, xüsusi əməliyyatın (müharibənin – red.) qızğın mərhələsini dayandırmaq üçün Ukrayna qoşunlarını Donbasdan çıxarmalıdır”.

Teleqraf xəbər verir ki, bunu Rusiya prezidentinin mətbuat katibi Dmitri Peskov jurnalistlərə deyib.

“Xeyr, son tarix yoxdur, hamısı səhvdir”, - Peskov Rusiyanın Ukrayna Silahlı Qüvvələrinin bölgədən çıxması üçün iddia edilən son tarixlə bağlı iddianı şərh edərkən bildirib.

Həmçinin o, əlavə edib: “Dəfələrlə bəyan etmişik ki, xüsusi hərbi əməliyyatın qaynar mərhələsini dayandırmaq üçün Ukrayna qoşunlarını Donbasdan çıxarmalıdır. Bu, edilməlidir”.

Peskov iddia edib ki, Ukrayna qoşunlarının Donbasdan çıxması müharibənin siyasi-diplomatik yolla həllinə keçidi asanlaşdıracaq.