BAKI, 29 aprel. TELEQRAF

ABŞ Dövlət katibi Marko Rubio Rusiyanın xarici işlər naziri Sergey Lavrovla söhbəti zamanı həmkarını Ukrayna münaqişəsinə tez bir zamanda son qoymağa çağırıb.

Teleqraf xəbər verir ki, bu barədə Dövlət Departamentinin bəyanatında qeyd olunub.

“ABŞ-nin xüsusi elçisi Stiven Uitkoffun aprelin 25-də Moskvaya səfərindən sonra dövlət katibi rusiyalı həmkarına Rusiya-Ukrayna sülh danışıqlarında növbəti addımlar və müharibənin indi dayandırılmasının zəruriliyi barədə danışıb”, - deyə məlumatda bildirilir.