BAKI, 20 mart. TELEQRAF

Braziliya prezidenti Luiz İnasio Lula da Silva Vyetnamı iyulda keçiriləcək BRICS sammitində iştiraka dəvət edəcək.

Teleqraf xəbər verir ki, bu barədə “Reuters” mənbələrə istinadən məlumat yayıb .

Agentliyin məlumatına görə, Braziliya gələn həftə Vyetnama səfər edəcək.

Bu il Braziliyanın sədrliyi ilə keçiriləcək sammit iyulun 6-dan 7-dək Rio-de-Janeyroda keçiriləcək.

Qeyd edək ki, Rusiya daha əvvəl Vyetnama tərəfdaş ölkə kimi BRICS-ə qoşulmağa kömək etməyə hazır olduğunu bildirib.