BAKI, 16 sentyabr. TELEQRAF

“Bərqərar olmuş sülh həm Ermənistan, həm də Azərbaycan üçün bir dəyərdir, hər iki ölkədə sülhə diqqətlə yanaşmaq, onun qayğısına qalmaq lazımdır”.

Teleqraf xəbər verir ki, bunu Ermənistan Baş naziri Nikol Paşinyan deyib.

“Sülhə qayğı göstərməyə davam etməliyik. Çünki bu, bizim üçün bir dəyərdir. Bir ay əvvəl də söyləmişdim ki, sülhü məhv etmək çox asandır. İndi sülhü asanlıqla məhv edə bilərik, amma sonra bu nöqtəyə çatmaq üçün otuz il lazım olacaq. Ona görə də gəlin seçim edək. Biz seçimimizi etmişik”, - Baş nazir bildirib.