BAKI, 28 aprel. TELEQRAF

Ermənistan və Türkiyə arasında normallaşma prosesi çərçivəsində əldə olunmuş razılaşmalara əsasən, aprelin 28-də Qarsda Gümrü-Qars dəmir yolunun bərpası və istismara verilməsi üzrə birgə işçi qrupunun iclası keçirilib.

Teleqraf xəbər verir ki, bu barədə Ermənistan Xarici İşlər Nazirliyi məlumat yayıb.

Bildirilib ki, görüşdə tərəflər regional nəqliyyat kommunikasiyalarının gücləndirilməsi kontekstində Gümrü-Qars dəmir yolunun tezliklə istismara verilməsinin əhəmiyyətini vurğulayıblar.