BAKI, 25 avqust. TELEQRAF

Ermənistan parlamentində 2026-cı ilin büdcə layihəsi təqdim olunub. Bu, İrəvanın təhlükəsizlik siyasətində köklü dönüşün yarandığını göstərir. Hakimiyyət müdafiə xərclərini artırmağa davam etmək əvəzinə, əhəmiyyətli azalma bəyan edib.

Teleqraf xəbər verir ki, bu barədə “Armenianreport” məlumat yayıb.

Saytın yazdığına görə, Ermənistan hökuməti Azərbaycan qarşısında silahlarla bağlı öhdəlik götürüb.

“Keçən il Ermənistan hərbi xərclərini artırdı, Fransa və Hindistandan silah almaqla onu yeniləməyə çalışmışdı. Amma avqustun 8-də Vaşinqtonda Azərbaycanla sülh müqaviləsinə dair sənədin imzalanmasından sonra kurs qəfil dəyişib”, - mənbə bildirib.

Saytın iddiasına görə, 2026-cı ildə müdafiə büdcəsinin azaldılması iqtisadi tədbir deyil, Vaşinqton razılaşmalarının strateji nəticəsidir.