BAKI, 4 aprel. TELEQRAF
Ermənistanın keçmiş prezidenti Armen Sərkisyanın xarici ölkə vətəndaşı olması ilə bağlı ibtidai istintaq davam edir.
Teleqraf xəbər verir ki, bu barədə Ermənistan İstintaq Komitəsi məlumat yayıb.
Qurum əlavə heç bir təfərrüatı açıqlamayıb. Bundan əvvəl iş Milli Təhlükəsizlik Xidmətindən İstintaq Komitəsinə ötürülüb.
Xatırladaq ki, Armen Sərkisyan 2018-2022-ci illərdə Ermənistan prezidenti olub. 2022-ci ilin yanvarında ölkədəki siyasi proseslərə təsir etmək üçün kifayət qədər səlahiyyətinin olmadığını bildirərək istefa verib.
İstefa verdikdən bir gün sonra onun seçilməzdən əvvəl Sent Kitts və Nevis vətəndaşlığına malik olduğu bildirilib. Məlumata görə, Sərkisyan bunu 500 min dollarlıq sərmayə müqabilində alıb. Ermənistan konstitusiyasına əsasən, xarici vətəndaşlığı olan hər bir şəxs prezident seçilmək hüququndan məhrum edilir.
