BAKI, 3 aprel. TELEQRAF
Ermənistan Azərbaycanla sülh sazişini imzalamağa hazırdır.
Teleqraf xəbər verir ki, bunu Ermənistanın ədliyyə naziri Srbuhi Qalyan deyib.
“Sülhün alternativi yoxdur və addımlarımız yekun sülhün bərqərar olmasına yönəlməlidir”, - nazir bildirib.
Srbuhi Qalyan Ermənistan konstitusiyasına dəyişiklik məsələsinə də toxunub:
“Konstitusiyanın yeni mətni üzərində işləyirik, amma hazırda mətnlə bağlı hər hansı təfərrüat verə bilmərəm. Ancaq bir şeyi vurğulamaq lazımdır: mətn gizli olmayacaq və nə vaxtsa ictimaiyyətə açıqlanacaq”.
Onun sözlərinə görə, konstitusiyaya dəyişikliklər 1-2 ay ərzində həyata keçirilə biləcək sadə iş deyil:
“Bu, mütəxəssislərin uzunmüddətli işləməsini tələb edir, 8-10 aydan söhbət gedir, hesab etmirəm ki, bundan tez yeni konstitusiyanın mətnini hazırlamaq mümkündür”.
