BAKI, 3 mart. TELEQRAF
“Qərbdən Ukraynaya təhlükəsizlik zəmanəti verilsə belə, heç vaxt Donbasdan imtina etməyəcəyəm”.
Teleqraf xəbər verir ki, bunu Ukrayna Prezidenti Volodimir Zelenski deyib.
“Mən heç vaxt Donbas və orada yaşayan 200 min ukraynalını tərk etməyəcəyəm. Niyə bunu etməliyəm? Çünki Putin bunu sülh şərti kimi irəli sürür? O, dərhal sonra yeni tələblər irəli sürməyəcək? Xeyr, mən buna dözməyəcəyəm”, - o bildirib.
Zelenski həmçinin qeyd edib ki, ən yaxşı müdafiə mövqeləri burada yerləşir, Ukrayna qoşunları bu bölgədən çıxarılsa, Rusiya ordusunun ölkənin mərkəzinə yolu açılacaq.
