BAKI, 2 iyul. TELEQRAF

Beynəlxalq Türk Mədəniyyəti Təşkilatı (TÜRKSOY) 2028-ci il üçün nəzərdə tutulan iki təşəbbüsü Qırğızıstan hökumətinə təqdim etmək niyyətindədir.

Teleqraf xəbər verir ki, bu barədə TÜRKSOY-un baş katibi Sultan Rayev bildirib.

Birinci təşəbbüs qırğız yazıçının anadan olmasının 100 illiyi şərəfinə 2028-ci ilin türk dünyasında Çingiz Aytmatov ili elan edilməsini nəzərdə tutur.

İkinci təklif Qırğızıstanın Talas şəhərinin 2028-ci ildə türk dünyasının mədəniyyət paytaxtı statusunun verilməsi ilə bağlıdır.

TÜRKSOY Katibliyi müvafiq təklifləri rəsmi olaraq Qırğızıstan hökumətinə təqdim etməyi planlaşdırır.