BAKI, 11 fevral. TELEQRAF

“Konstitusiya Komissiyasına yeni Konstitusiya layihəsi ilə bağlı 10 mindən çox müraciət daxil olub”.

Teleqraf xəbər verir ki, bu barədə Qazaxıstan Konstitusiya Məhkəməsinin sədri Elvira Əzimova Konstitusiya İslahatları Komissiyasının XII iclasında bildirib.

“Bu günə qədər Konstitusiya Komissiyasına 10 mindən çox müraciət daxil olub. Bunlar komissiya üzvləri, vətəndaşlar, vətəndaş cəmiyyəti nümayəndələri, ekspert icmaları, biznes strukturları və digər maraqlı tərəflərin təklifləridir”, - o deyib.

Əzimova qeyd edib ki, alınan bütün materiallar sistemləşdirilib və tematik sahələr üzrə qruplaşdırılıb:

“Hər bir istiqamət üzrə hüquqi və əsaslı təhlil aparılıb. Təkliflər onların etibarlılığı və mümkünlüyü baxımından qiymətləndirilir. Bu cür fəaliyyət ictimaiyyətin yüksək səviyyədə iştirakını əyani şəkildə göstərir və yeni Konstitusiya layihəsinin müzakirəsinin açıq və əsaslı xarakter aldığını sübut edir”.