BAKI, 23 dekabr. TELEQRAF

İran xarici işlər nazirinin müavini Kazım Qəribabadi və Türkmənistan hökumətinin Xəzər məsələləri üzrə xüsusi nümayəndəsi Murad Atacanov əməkdaşlıq prioritetlərini müzakirə etmək üçün danışıqlar aparıb.

Teleqraf xəbər verir ki, tərəflər 2026-cı ilin yayında Tehranda keçirilməsi planlaşdırılan 7-ci Xəzər Zirvə Görüşünə hazırlıqlara xüsusi diqqət yetiriblər.

Həmçinin görüşdə bildirilib ki, Türkmənistan və İran prezidentlərinin qarşıdan gələn görüşündə təhlükəsizlik və nəqliyyat kommunikasiyaları sahələrində praktiki razılaşmaların əldə olunmasını təmin etmək üçün yanaşmaların əlaqələndirilməsinə artıq başlanılıb.

Xəzər dənizində suyun səviyyəsinin aşağı düşməsi məsələsi danışıqlarda ən aktual məsələlərdən biri olub. İki ölkənin nümayəndələri vəziyyəti izləmək və liman infrastrukturunu dəyişən şəraitə uyğunlaşdırmaq üçün tədbirlər hazırlamaq üçün ixtisaslaşmış işçi qrupunun yaradılması imkanlarını nəzərdən keçirdilər.