BAKI, 8 dekabr. TELEQRAF

Türkmənistan Prezidenti Sərdar Berdiməhəmmədov ölkədə məhkum olunmuş bir qrup əcnəbi vətəndaşın əfv edilməsi haqqında fərman imzalayıb.

Teleqraf xəbər verir ki, bu barədə Türkmənistan liderinin mətbuat xidməti məlumat yayıb.

Sənəddə bildirilir ki, bu tədbir dövlətlər arasında dostluq əlaqələrinin möhkəmləndirilməsinə yönəlib və humanizm prinsiplərinə sadiqliyi əks etdirir.

Qərara əsasən, xarici vətəndaşlar cəzalarının çəkilməmiş çox hissəsindən azad olublar.