BAKI, 24 oktyabr. TELEQRAF

Özbəkistan xarici işlər naziri Baxtiyor Saidov Parisdə Fransa xarici işlər naziri Jan-Noel Barro ilə görüşüb.

Teleqraf xəbər verir ki, bu barədə Özbəkistan Xarici İşlər Nazirliyi məlumat yayıb.

Danışıqlar iki ölkə arasındakı strateji tərəfdaşlığın güclü və dinamik xarakterini təsdiqləyib. Tərəflər ticarət, investisiya, innovasiya, təhsil, davamlı inkişaf və digər prioritet sahələrdə əməkdaşlığın dərinləşdirilməsi məsələlərini müzakirə ediblər.

Nazirlər həmçinin aktiv və perspektivli siyasi dialoqu davam etdirməyə razılaşıblar və aktuallığı olan regional və qlobal məsələlər üzrə fikir mübadiləsi aparıblar. Tərəflər vurğulayıblar ki, belə əməkdaşlıq iki və çoxtərəfli səviyyələrdə konkret nəticələr əldə etmək imkanı yaradır.