TBİLİSİ, 4 aprel. TELEQRAF
Gürcüstanın Rustavi Şəhər Məhkəməsi qəsdən adam öldürməkdə təqsirli bilinən azərbaycanlını 12 il müddətinə azadlıqdan məhrum edib.
Teleqraf-ın yerli bürosu xəbər verir ki, bu barədə ölkənin Baş Prokurorluğundan bildirilib.
Məhkəmə prosesində təqdim olunan sübutlarla təsdiq edilib ki, 2024-cü il noyabrın 18-də Marneulidə təqsirləndirilən şəxs qisas məqsədilə zərərçəkmişə kəsici-deşici alətlə ağır xəsarətlər yetirib və hadisə yerindən qaçıb. Zərərçəkmiş xəstəxanaya çatdırılana qədər ölüb.
Qətldə təqsirləndirilən şəxs 2024-cü il noyabrın 19-da həbs edilib. O, qəsdən adam öldürmədə ittiham edilib və barəsində həbs qətimkan tədbiri seçilib.
Qeyd edək ki, qətlə yetirilən şəxs də azərbaycanlıdır. 1988-ci il təvəllüdlü Rasim Qubanov Marneulinin Keşəli kəndinin sakini olub.
