GORANBOY, 14 mart. TELEQRAF

Goranboyda itkin düşdüyü bildirilən 15 yaşlı məktəbli qızın qaçırıldığı məlum olub.

Teleqraf-ın yerli bürosu xəbər verir ki, rayonun 2 saylı tam orta məktəbinin 9-cu sinif şagirdi 2010-cu il təvəllüdlü Z.Böyükkişiyevanı Bakı şəhər sakini 29 yaşlı O.Hüseynzadə adlı şəxs evlənmək məqsədi ilə qaçırıb.

Faktla bağlı Goranboy rayon Polis Şöbəsində araşdırma aparılır.

***

2025.03.13 23:15

Goranboy rayonunda məktəbli qız itkin düşüb.

Teleqraf-ın yerli bürosu xəbər verir ki, 9-cu sinif şagirdi 15 yaşlı Z.Böyükkişiyevanın itkin düşməsi barədə yerli hüquq mühafizə orqanı əməkdaşları məlumatlandırılıb.

DİN-in mətbuat xidmətinin Gəncə regional qrupundan Teleqraf-ın yerli bürosuna bildirilib ki, məsələ ilə bağlı Goranboy Rayon Polis Şöbəsində araşdırma başlanılıb. Araşdırmanın nəticəsi barədə məlumat veriləcək.

Məktəbli qızın evlənmək məqsədi ilə qaçırıldığı iddia olunur.