BAKI, 20 sentyabr. TELEQRAF
Xankəndi şəhərinə, Xocalı, Xocavənd və Ağdərə rayonlarına köçürülmüş sakinlərdən 3 867 şəxs məşğulluq tədbirlərinə cəlb olunub.
Teleqraf xəbər verir ki, bu barədə Əmək və Əhalinin Sosial Müdafiəsi Nazirliyinin tabeliyindəki Dövlət Məşğulluq Agentliyi məlumat yayıb.
Məlumata əsasən, həmin sakinlərdən 3 723 şəxsin məşğulluğu təmin edilib. O cümlədən, özünüməşğulluq proqramı çərçivəsində 560 şəxs üçün kiçik təsərrüfatlar yaradılıb, 144 sakin isə peşə hazırlığına cəlb olunub.
Hazırda Xankəndi, Xocalı, Xocavənd və Ağdərədə daha 660-dək şəxsin məşğulluğunun təmin edilməsi istiqamətində işlər aparılır.
.jpg)
.jpg)
.webp)
.jpg)
.jpg)