BAKI, 19 may. TELEQRAF

Ümumdünya Şəhərsalma Forumu urbanizasiya mövzusunu müzakirə etmək üçün çox gözəl və faydalı bir platformadır.

Bunu Teleqraf-a açıqlamasında keniyalı ekofəal, "Africa Bureau for Climate Stories" (Afrika İqlim Hekayələri Bürosu) təşkilatının redaktoru Ngige Brian Mothoni WUF13 çərçivəsində təşkil edilən QHT Agentliyinin pavilyonunda deyib.

O bildirib ki, bura inklüziv bir məkandır.

"Bura həm Qlobal Şimaldan, həm də Qlobal Cənubdan olan insanları bir arada görmək mümkündür.

WUF-da insanların bu qədər fəal olması, yeni əlaqələr qurması məni çox sevindirir. Eyni zamanda, burada müxtəlif müzakirələrin aparıldığı pavilyonlar var və onlar hər kəsə açıqdır. Beləcə, mümkün qədər çox məlumat eşidə və yeni şeylər öyrənə bilirsən".

O qeyd edib ki, Bakıya ikinci gəlişidir:

"Bakını çox sevirəm. Artıq ikinci gəlişimdir. Burada özümü yaxşı hiss edirəm. Çünki Azərbaycan xalqı çox qonaqpərvərdir, şəhər isə gözəl tikilib və son dərəcə təmizdir", - o vurğulayıb.