BAKI, 1 may. TELEQRAF

Jurnalist Təşəbbüslərinin Təşviqi İctimai Birliyi QHT-lərə Dövlət Dəstəyi Agentliyinin maliyyə dəstəyi ilə “Azərbaycan əleyhinə hibrid müharibəyə qarşı əhalinin sayıqlılığının artırılması” adlı layihənin icrasına start verib.

Layihə barədə məlumat verən İctimai Birliyin sədri Ruslan Xəlilov qeyd edib ki, informasiya savaşının intensivləşdiyi bir dövrdə hibrid təhdidlər ictimai-siyasi həyatımızın ayrılmaz hissəsinə çevrilib: “Təşkilatımız hibrid təhdidlərə qarşı əhalinin sayıqlığının artırılması məqsədi ilə araşdırma yazılar, televiziya verilişləri hazırlayaraq ictimaiyyətə təqdim edəcək. Eyni zamanda mövzu ilə bağlı ictimai müzakirənin keçirilməsi nəzərdə tutulur. İki ay davam edəcək layihə çərçivəsində milli ideologiyaya yönəlik təxribatlarla bağlı 12 yazı, 4 televiziya verilişi hazırlanacaq və ictimai müzakirə keçiriləcəkdir”.

R.Xəlilov rəhbərlik etdiyi təşkilatın bu günə qədər ideoloji təhdidlər, informasiya savaşı, kibertəhlükəsizlik kimi mövzularla bağlı bir sıra layihələr həyata keçirdiklərini və bu sahə üzrə püxtələşdiklərini diqqətə çatdırdı.