BAKI, 30 iyun. TELEQRAF

Sosial Xidmət Müəssisələrində 5 il ərzində 1353 nəfər qeydiyyata alınıb.

Teleqraf xəbər verir ki, bunu Sosial Xidmətlər Agentliyinin sədri Vüqar Behbudov rəhbərlik etdiyi qurumun 5 illik fəaliyyətinə dair mətbuat konfransında deyib.

Sədr bildirib ki, onlardan 963 nəfərə xidmət göstərilib.

"1203 nəfər sosial məsləhət yardımı ilə təmin edilib. 260 nəfər uşaq isə aktiv xidmətlərlə təmin olunub", - o əlavə edib.

V.Behbudov bildirib ki, bu günədək 556 nəfərlə repatriasiya üzrə iş aparılıb. Onlardan 489 nəfəri uşaq, 65 nəfəri qadın və 2 nəfəri isə kişi olub.

"263 nəfərin ilkin sosial-psixoloji qiymətləndirilməsi aparılıb. 96 nəfərə isə sosial psixoloji yardım göstərilib", - o əlavə edib.