BAKI, 9 iyul. TELEQRAF

"Həyat yoldaşım iki dəfə 2011-ci ildə insult keçirib. O ildən bəri bu xəstəliklə mübarizə aparır".

Bunu Teleqraf-a açıqlamasında Əməkdar mədəniyyət işçisi, aşıq Əhliman Rəhimovun həyat yoldaşı Aybəniz Salmanova deyib.

O qeyd edib ki, aşıq Əhliman uzun müddətdir səhhətində yaranan problemlərə görə müalicə olunur.

"İkinci dəfə COVID-19 pandemiyasından sonra insult keçirən zaman vəziyyəti daha da ağırlaşdı. O zaman peyvənd vurdurdu və ikinci peyvənddən sonra səhhətində pisləşmə oldu. Nitqi və yaddaşı ilə bağlı problemlər yaranıb. Hazırda ev şəraitində müalicəsi davam edir", - deyə Aybəniz Salmanova bildirib.

Qeyd edək ki, aşıq Əhliman Mədəniyyət və İncəsənət Universitetinin Aşıq sənəti kafedrasının müdiri olub.