BAKI, 20 oktyabr. TELEQRAF

İşğaldan azad olunmuş ərazilərdə həyata keçirilən genişmiqyaslı bərpa və quruculuq işləri çərçivəsində əhalinin dayanıqlı və etibarlı təbii qazla təmin edilməsi istiqamətində tədbirlər davam etdirilir.

Teleqraf xəbər verir ki, SOCAR-ın “Azəriqaz” İstehsalat Birliyi tərəfindən həmin ərazilərdə yaradılan və yenidən qurulan qaz infrastrukturu hesabına yaşayış məntəqələrinin qaz təchizatı mərhələli şəkildə təmin olunur. Hazırda işğaldan azad olunmuş ərazilərdə təbii qazla təmin olunan 10 665 əhali abonenti qeydiyyata alınıb.

Təbii qazla təmin olunan ərazilər üzrə abonentlərin sayı belədir:

Ağdərə rayonu – 769 abonent
Laçın rayonu – 1 019 abonent
Şuşa şəhəri – 42 abonent
Xocalı rayonu – 1 411 abonent
Xankəndi şəhəri – 2 930 abonent
Cəbrayıl şəhəri – 1 643 abonent
Zəngilan rayonu – 575 abonent
Kəlbəcər şəhəri – 163 abonent
Ağdam rayonu – 1 181 abonent
Xocavənd rayonu – 932 abonent

Beləliklə, hazırda işğaldan azad olunmuş 10 şəhər və rayonda 10 665 əhali abonenti təbii qazla təmin olunur. İşğaldan azad olunmuş ərazilərdə yeni yaşayış məntəqələrinin salınması və əhalinin doğma yurdlarına qayıdışının davam etdirilməsi ilə qaz infrastrukturunun genişləndirilməsi və yeni abonentlərin təbii qaz şəbəkəsinə qoşulması istiqamətində işlər də mərhələli şəkildə davam etdirilir.

Medial
Medial
Medial
Medial