BAKI, 9 sentyabr. TELEQRAF

Sabirabad rayonunda qəsdən yanğın törədən şəxs saxlanılıb.

Teleqraf-ın xəbərinə görə, Sabirabad rayonunun Narlıq kəndi ərazisində qəsdən yanğın törədən şəxs polis əməkdaşları tərəfindən müəyyən edilib.

Araşdırmalarla yanğının kənd sakini H.Şükürov tərəfindən törədildiyi məlum olub.

Hadisə nəticəsində 1 hektara yaxın ərazidə quru otlaq sahəsi yanıb.

Əməli törədən şəxs barəsində hüquqi məsuliyyət tədbirləri görülüb.