BAKI, 2 sentyabr. TELEQRAF

Avqust ayında Azərbaycanda 266 kiloqram 873 qram narkotik vasitə və 5236 ədəd müxtəlif tərkibli həb dövriyyədən çıxarılıb.

Teleqraf xəbər verir ki, bu barədə Dövlət Sərhəd Xidmətinin Mətbuat Mərkəzindən məlumat verilib.

Bildirilib ki, narkotik vasitələrin qanunsuz dövriyyəsinə qarşı mübarizə tədbirləri nəticəsində aşkarlanan narkotik vasitələr və həblər dövriyyədən çıxarılıb.

Məlumata görə, aşkarlanan narkotik vasitələrin 28 kiloqram 500 qramı bir halda pilotsuz uçuş aparatı vasitəsilə keçirilməyə cəhd zamanı müəyyən edilib.