BAKI, 3 fevral. TELEQRAF

Bakının Xətai rayonunda bıçaqlanma hadisəsi baş verib.

Teleqraf-ın xəbərinə görə, hadisə Xətai metrostansiyasının qarşısında qeydə alınıb.

1975-ci il təvəllüdlü Məmmədli Elvin Nuru oğlu mübahisə zamanı hər iki ayağından bıçaqlanıb.

Hadisəni törədən şəxs ərazidən uzaqlaşıb. Yaralı xəstəxanaya yerləşdirilib.

DİN-in Mətbuat Xidmətinin əməkdaşı Lumu İsrəfilli Teleqraf-a bildirib ki, paytaxtın Xətai rayonunda iki şəxs arasında baş verən insidentlə bağlı polisə məlumat daxil olub.

Hazırda hadisə ilə bağlı ərazi üzrə polis orqanında araşdırma aparılır.