BAKI, 19 sentyabr. TELEQRAF
“Bavariya” Almaniya Bundesliqasının IV turunda “Union” üzərində böyükhesablı qələbə qazanıb.
Teleqraf TASS-a istinadən xəbər verir ki, Münhendəki “Alyans Arena”da keçirilən qarşılaşma meydan sahiblərinin 7:0 hesablı qələbəsi ilə yekunlaşıb.
“Bavariya”nın heyətində fransalı vinger Maykl Olise het-trik edib. O, 43, 73 və 76-cı dəqiqələrdə fərqlənib, həmçinin bir məhsuldar ötürmə verib.
Digər qolları Camal Musiala (18), Harri Keyn (39 – penalti, 54) və İsmayıl Saybari (70) vurublar.
Bu qələbədən sonra “Bavariya” 10 xalla Bundesliqanın turnir cədvəlinə başçılıq edir. “Union” isə 1 xalla 16-cı pillədə qərarlaşıb.
