BAKI, 6 iyul. TELEQRAF

ABŞ millisinin hücumçusu Folarin Baloqunun 2026-cı il dünya çempionatının 1/8 final oyunu öncəsi diskvalifikasiyasının ləğv edilməsinin təfərrüatı məlum olub.

Teleqraf “Politico” nəşrinə istinadən xəbər verir ki, ABŞ Prezidenti Donald Tramp Baloqunun qırmızı vərəqəsinin ləğvi ilə bağlı FIFA prezidenti Canni İnfantinoya şəxsən zəng edib.

Lakin İnfantino Ağ Evdəki dostuna bununla bağlı heç bir vəd verməyib.

Bundan sonra Ağ Evin DÇ-2026-nın təşkili üzrə təşkilat komitəsinin icraçı direktoru Endryu Culiyani, ABŞ-ın ticarət naziri Hovard Lütnik və ABŞ Futbol Federasiyasının yüksək vəzifəli nümayəndələri ölkənin aparıcı hüquqşünaslarının dəstəyi ilə FIFA-ya apellyasiya şikayəti təqdim ediblər. Nəticədə Baloqunun diskvalifikasiyası ləğv olunub və o, Belçikaya qarşı 1/8 final matçında meydana çıxmaq hüququ qazanıb.

Qeyd edək ki, Baloqun iyulun 2-də DÇ-2026-nın 1/16 final mərhələsində ABŞ-ın Bosniya və Herseqovina üzərində 2:0 hesablı qələbə qazandığı görüşdə qırmızı vərəqə almışdı.