BAKI, 28 mart. TELEQRAF

"Barselona"nın futbolçusu Rafinya bir aydan çox müddətə sıradan çıxıb.

Teleqraf xəbər verir ki, vinger Braziliya millisində olarkən budun arxa əzələsindən zədə alıb və klub artıq onun təxminən 5 həftə oynaya bilməyəcəyini açıqlayıb.

Bu səbəbdən o, "Atletiko"ya qarşı 3 oyunu (2-si Çempionlar Liqası, 1-i La Liqa), "Espanyol" ilə derbini, "Selta" və "Xetafe" ilə matçları buraxacaq.

Qeyd edək ki, braziliyalı futbolçunun mayın əvvəlində "Osasuna" ilə oyuna hazır ola biləcəyi ehtimal olunur.