BAKI, 25 avqust. TELEQRAF
Böyük Britaniyanın Baş naziri Endi Börnhem sentyabrda BMT Baş Assambleyasının sessiyasında iştirak etmək üçün ABŞ-yə səfər edəcək.
Teleqraf xəbər verir ki, Endi Börnhem bu barədə “Bloomberg” agentliyinə müsahibəsində bildirib.
“Mən sentyabrda Nyu-Yorka səfərimi səbirsizliklə gözləyirəm”, - Baş nazir deyib.
Səfər BMT Baş Assambleyasının sentyabrın sonunda Nyu-Yorkda keçiriləcək yüksək səviyyəli həftəsi çərçivəsində baş tutacaq. Bu, Börnhemin Böyük Britaniyanın Baş naziri kimi ABŞ-yə ilk səfəri olacaq.
“Bloomberg”in məlumatına görə, Britaniya Baş naziri səfər zamanı ABŞ Prezidenti Donald Trampı qış başlamazdan əvvəl Ukraynaya “Patriot” hava hücumundan müdafiə sistemləri üçün raket-ələkeçiricilər verməyə razı salmağa çalışacaq.
Börnhem həmçinin bildirib ki, Avropa liderləri BMT Baş Assambleyasının yüksək səviyyəli həftəsi zamanı Ukraynaya dəstək göstərən “istəklilər koalisiyası”nın görüşünün keçirilməsini nəzərdən keçirirlər.
“Bu, hələ təsdiqlənməyib, lakin əksəriyyət bu variantı dəstəkləyir”, - Baş nazir vurğulayıb.
