BAKI, 4 avqust. TELEQRAF

Danimarka 3 avqustda yeni bir çağırış sistemini tətbiq edib.

Teleqraf xəbər verir ki, bu barədə "Reuters" agentliyi məlumat yayıb.

Ölkə Rusiya ilə Ukrayna arasında davam edən münaqişə, eləcə də ABŞ-nin Qrenlandiyanı ələ keçirmək planları səbəbindən hərbi gücünü artırır.

Hərbi xidmət müddəti dörd aydan 11 aya qədər artırılıb. 2033-cü ilə qədər ölkə hakimiyyəti çağırışçıların sayını ildə 5000-dən 7500-ə qədər artırmağı planlaşdırır.

Bundan əlavə, avqust ayında çağırışçılar ilk dəfə Qrenlandiyaya səfər edəcək və orada peşəkar ordu ilə birlikdə əməliyyat tapşırıqlarını yerinə yetirəcəklər. Onların sayı cəmi 100 nəfərdir. Yeni çağırışçılar beş aylıq əsas təlim və daha altı aylıq əməliyyat xidməti keçəcəklər.