BAKI, 6 iyun. TELEQRAF
ABŞ Prezidenti Donald Tramp Vaşinqtonun İranla bağlı əməliyyatı yaxın vaxtlarda ya ikitərəfli razılaşma, ya da daha sərt üsullarla başa çatdırmağı planlaşdırdığını bildirib.
Teleqraf xəbər verir ki, Tramp bu barədə Viskonsin ştatının Çippeva-Fols şəhərində kənd təsərrüfatına həsr olunmuş dəyirmi masada çıxışı zamanı danışıb.
“Biz elə bir nöqtəyə çatmışıq ki, İrandakı məsələdən çox tez çıxmalı olacağıq və bu, çox qətiyyətli addım olacaq. Bu, ya bir kağız parçası, yəni razılaşma ilə, ya da daha sərt üsullarla baş verəcək”, - deyə ABŞ lideri bildirib.
Onun sözlərinə görə, proses artıq yekun mərhələyə yaxınlaşıb.
“Biz demək olar ki, bunun öhdəsindən gəlmişik. Görəcəksiniz ki, bu məsələ ya razılaşma yolu ilə, ya da daha mürəkkəb üsulla həll olunacaq. Halbuki razılaşma yolu daha sadə variant sayıla bilər”, - deyə Tramp əlavə edib.
