BAKI, 25 aprel. TELEQRAF
ABŞ Silahlı Qüvvələri Sakit okeanın şərq hissəsində narkotik qaçaqmalçılığı ilə əlaqəli olduğu ehtimal edilən qayığa zərbə endirib.
Teleqraf xəbər verir ki, insident nəticəsində iki şübhəli şəxs öldürülüb.
Məlumata görə, kəşfiyyat məlumatları əvvəlcədən həmin üzən vasitənin qanunsuz narkotik daşımalarında iştirak etdiyini təsdiqləyib.
Açıqlamada qeyd olunub ki, qayıq narkotik qaçaqmalçılığı marşrutları üzrə hərəkət edib və müvafiq əməliyyatlarda iştirak edib.
Qeyd edək ki, aprelin 15-də də ABŞ hərbi qüvvələri eyni bölgədə oxşar əməliyyat həyata keçirmişdi.
