BAKI, 18 aprel. TELEQRAF
Rusiyanın ABŞ prezidenti Donald Tramp administrasiyası ilə bir çox fikir ayrılıqları var.
Teleqraf xəbər verir ki, bunu Rusiyanın xarici işlər naziri Sergey Lavrov Antalya Diplomatiya Forumunda deyib.
"Co Bayden dövründən bəri sanksiyalar qaldırılmayıb, diplomatik əmlaklar hətta geri qaytarılmayıb və şirkətlərimiz artıq yeni sanksiyalara məruz qalıb".
Lakin Lavrov qeyd edib ki, Ağ Evin Moskva ilə gələcək iqtisadi münasibətləri necə təsəvvür etdiyini müzakirə etməyin vaxtı gəlib çatıb.
Nazirin sözlərinə görə, Amerika tərəfi daim Ukraynadakı münaqişənin bitməsindən sonra ortaya çıxacaq "qarşılıqlı faydalı əməkdaşlığın limitsiz imkanları" barədə danışır.
