​BAKI, 6 aprel. TELEQRAF

İran ABŞ ilə danışıqlar zamanı nüvə proqramından başqa heç nəyi müzakirə etməyəcək.

Teleqraf xəbər verir ki, bunu İran parlamentinin sədr müavini Həmid Rza Hacı Babai deyib.

O vurğulayıb ki, Tehranın Vaşinqtonla dolayı danışıqlar aparmaq qərarı ABŞ-yə cavabdır.

Hacı Babai əlavə edib ki, İran ABŞ-nin Birgə Hərtərəfli Fəaliyyət Planı (JCPOA) üzrə öhdəliklərini yerinə yetirməməsi, həmçinin daimi təhdid və sanksiyalar səbəbindən birbaşa danışıqlardan imtina edib.