Rumıniyada bazar günü keçirilən prezident seçkilərinin ilk turunda Sosialistlər Partiyasının (PSD) namizədi hazırkı Baş nazir Marçel Çiolaku 25 faiz səs toplayıb, USR-nin namizədi Elena Laskoni 18 faiz, müstəqil namizəd Kalin Corcesku isə 16 faiz səs əldə edib. Bu nəticələr CURS, AVANGARDE və CIRA sosial sorğu institutları tərəfindən hazırlanmış exit-pollara əsaslanır.
Teleqraf.com xəbər verir ki, səsvermə nəticələrinə əsasən, növbəti sıralamada olan namizədlər:
∙ Corge Simion (AUR) – 15 faiz
∙ Nicolae Çiuka (PNL) – 14 faiz
∙ Mirçea Coană (Müstəqil) – 5 faiz
∙ Kelemen Hunor (UDMR) – 4 faiz
∙ Kristian Diakonescu (Müstəqil) – 2 faiz
∙ Digərləri – 1 faiz qazanıblar.
Bildirilir ki, verilən məlumatlar yalnız yerli seçki məntəqələrindəki nəticələrə aiddir və xaricdəki məntəqələr bu sorğularda nəzərə alınmayıb.
***
Rumıniyada prezident seçkilərinin birinci turu keçirilir.
Teleqraf.com xəbər verir ki, seçkilərdə iştirak edən 14 namizəddən yalnız beşi real qalibiyyət şansına sahibdir.
Birinci turda liderlik edən namizəd, hazırkı Baş nazir Marçel Çolaku, təxminən 25 faiz səs toplayıb. Ən böyük rəqibi isə ultrasağcı “Rumıniya Birləşməsi” partiyasının lideri Corce Simiondur. Son zamanlar ölkədəki rekord inflyasiya fonunda C.Simionun populyarlığı artıb.
Seçki kampaniyasında C.Simion Ukraynaya silah göndərilməsinə qarşı olduğunu bildirib. O, həmçinin Avropa İttifaqına şübhəli yanaşır və homoseksuallıq əleyhinə fikirlər səsləndirir. C.Simion Rumıniya və Moldova arasında birliyə dəstək verir, bu səbəbdən Moldovada bir neçə dəfə ölkəyə girişinə qadağa qoyulub.
Qalib müəyyənləşməzsə ikinci tur dekabrın 8-də keçiriləcək. 1 dekabr Rumıniyanın Milli Günündə isə ölkədə parlament seçkiləri baş tutacaq.