BAKI, 5 avqust. TELEQRAF

Böyük Britaniya müdafiə naziri Ues Stritinq Kiyevə səfər edib.

Teleqraf xəbər verir ki, bu barədə Ukrayna mediası məlumat yayıb.

Bildirilib ki, səfərin məqsədi qış mövsümü ərəfəsində Ukraynanın ehtiyaclarını daha yaxşı qiymətləndirmək və hərbi dəstəyin sürətləndirilməsi yollarını müzakirə etməkdir.

Səfər çərçivəsində Stritinqin Ukrayna Prezidenti Volodimir Zelenski və müdafiə naziri Yevgeni Xmara ilə görüşü planlaşdırılır.

Britaniyalı nazir bildirib ki, sentyabr ayında Ukraynaya silah tədarükünü əlaqələndirən “Ramştayn” formatında növbəti iclası çağırmaq, daha bir görüşü isə oktyabrın əvvəlində keçirmək niyyətindədir.

Stritinq qeyd edib ki, vəzifəyə təyin olunduqdan sonra ukraynalı həmkarı ilə artıq əlaqə saxlayıb, Kiyevə gedərkən isə Paris və Kopenhagendəki həmkarları ilə Ukraynaya dəstək məsələlərini müzakirə edib.