BAKI, 28 fevral. TELEQRAF
Qazaxıstan Prezidenti Kasım-Jomart Tokayev Təhlükəsizlik Şurasına İran ətrafında gərginləşən vəziyyətlə əlaqədar təcili tədbirlər planı təqdim etməyi tapşırıb.
Teleqraf xəbər verir ki, bu barədə Qazaxıstan prezidentinin müşaviri və mətbuat katibi Aybek Smadiyarov məlumat verib.
“Prezident Kasım-Jomart Tokayev Təhlükəsizlik Şurasının katibi Gizat Nurdauletova təhlükəsizlik qurumları və müvafiq nazirliklərin rəhbərləri ilə birlikdə İran ətrafında gərginləşən vəziyyət və ölkəmizdə sabitliyə mümkün təhdidlər nəzərə alınmaqla, fövqəladə tədbirlər üçün plan hazırlamağı tapşırıb”, - o bildirib.
