MİNGƏŞEVİR, 8 iyun. TELEQRAF

Mingəçevirdə yolu keçmək istəyən 10 yaşlı uşağı maşın vurub.

Teleqraf-ın yerli bürosunun məlumatına görə hadisə Heydər Əliyev prospektində, Səadət şadlıq sarayının yaxınlığında baş verib.

Minik avtomobili yolu keçmək istəyən 2015-ci il təvəllüdlü İbadov Emin Saleh oğlunu vuraraq ona müxtəlif bədən xəsarətləri yetirib.

Yaralı uşaq dərhal xəstəxanaya çatdırılıb.

Faktla bağlı araşdırma aparılır.