GORANBOY, 29 may. TELEQRAF

Goranboy rayonunda piyadanın vurulması ilə nəticələnən yol qəzası baş verib.

Teleqraf-ın yerli bürosu xəbər verir ki, hadisə rayon mərkəzində qeydə alınıb.

Yolu keçmək istəyən 72 yaşlı Arif Musayevu avtomobil vurub.

Xəsarət alan şəxs özəl xəstəxanalardan birinə yerləşdirilib.Vəziyyəti orta-ağırdır.

Məlumat üçün bildirək ki, piyada Goranboy rayonunda elektrik ustası kimi çalışır.