BAKI, 21 may. TELEQRAF

Qlobal problemlərin həllində yalnız nəzəri araşdırmalara və statistik sübutlara əsaslana bilmərik. Çünki o zaman problemlərin tam mənzərəsini görə bilməyəcəyik.

Teleqraf xəbər verir ki, bunu BMT-nin Məskunlaşma Proqramının (UN-Habitat) icraçı direktoru Anaklaudia Rossbax WUF13 çərçivəsində Azərbaycan pavilyonunda keçirilən "Multilateralizm vasitəsilə mənzil sahəsinin inkişafı: Qlobal öhdəliklərdən yerli təsirə" adlı tədbirdə deyib.

O bildirib ki, sahədə birbaşa praktiki fəaliyyətlə məşğul olan şəxslərin resurs və zaman qıtlığı səbəbindən hesabatlılıq imkanları məhduddur.

"Görünüşdə olmayanları da prosesə daxil etməliyik — burada mən praktiki fəaliyyətlə məşğul olanları nəzərdə tuturam. Onları masaya gətirməliyik, çünki onlar hazırda, elə bu anda iş görürlər. Onlar qlobal aclıq böhranını həll edirlər.

Biz isə “nöqtələri birləşdiririk”. Bəlkə də biz burada, bu tərəfdaşlıq çərçivəsində bunu təşviq edə bilərik. Bu koalisiyanı inkişaf etdirə bilərik. Əlbəttə, sizin iş istiqamətləriniz var, amma insanlar bunu elə indi də edirlər.

Praktiklərin əksəriyyətinin isə gördükləri işi yazmaq, məlumat toplamaq və sübut bazası yaratmaq üçün vaxtı yoxdur. Ona görə də biz birgə istehsal etməliyik. Biz bu resurs və imkan uyğunsuzluğunu aradan qaldırmalıyıq".