BAKI, 19 may. TELEQRAF

"Minatəmizləmə Azərbaycan üçün prioritet olaraq qalır".

Teleqraf xəbər verir ki, bunu Azərbaycanın xarici işlər naziri Ceyhun Bayramov Bakıda keçirilən Ümumdünya Şəhərsalma Forumunda (WUF13) çıxışı zamanı deyib.

Nazir vurğulayıb ki, Azərbaycan öz öhdəliklərini anlayır və azad olunmuş ərazilərin bərpası, əhalinin rifahının yaxşılaşdırılması istiqamətində işlər aparır:

“Lakin mina problemi kənd təsərrüfatının və iqtisadi inkişafın qarşısında ciddi maneə olaraq qalır. Mina təhlükəsi yalnız mülki əhali üçün deyil, həm də minatəmizləmə fəaliyyəti ilə məşğul olanlar üçün böyük risk yaradır. Bu səbəbdən minatəmizləmə Azərbaycan üçün əsas prioritetlərdən biri olaraq qalır”.