BAKI, 5 iyun. TELEQRAF

Medianın İnkişafı Agentliyi (MEDİA) “middleeasteye.net” və “haaretz.com” informasiya resurslarında yayımlanan dezinformasiya barədə açıqlama yayıb.

MEDİA-nın Mətbuat xidmətindən Teleqraf-a daxil olan məlumatda qeyd olunur:

"5 iyun 2026-cı il tarixində “middleeasteye.net” və “haaretz.com” informasiya resurslarında yayımlanan İsrailin İranla apardığı müharibə zamanı guya Azərbaycan ərazisindən istifadə etməsi ilə bağlı iddialar heç bir fakta istinad etmədən tirajlanan kobud manipulyasiya nümunəsi olmaqla dezinformasiya xarakteri daşıyır və beynəlxalq ictimaiyyətdə çaşqınlıq yaratmaqla yanaşı, regional sabitliyə və dövlətlərarası münasibətlərə zərbə vurmağa və regionda gərginlik yaratmağa hesablanıb".