AĞDAM, 22 sentyabr. TELEQRAF

Ağdamda minik maşını yanıb.

Teleqraf-ın Qarabağ bürosunun xəbərinə görə, yanğın hadisəsi Quzanlı - Xındırıstan avtomobil yolunun rayonun Eyvazlı kəndi ərazisindən keçən hissəsində qeydə alınıb.

Dürdanə Hümmətalıyevaya məxsus "Chevrolet" markalı 35 BN 249 dövlət nömrəli avtomobil hərəkətdə olarkən anidən alovlanıb. Hadisə yerinə FHN-nin Ağdam yanğınsöndürən bölməsinin iki maşını şəxsi heyətlə cəlb olunub. Yanğınsöndürənlər yanğının ətrafdakı avtomobillərə keçməsinin qarşısını alıb.

Faktla bağlı araşdırma başlanıb.